Minčuk Aleh Zajac, jakoha asudzili na 25 sutak, spyniŭ suchuju haładoŭku
8 lutaha prachodziŭ sud, na jakim abarona Aleha sprabavała abskardzić sudovuju pastanovu ab aryšcie jaho na 25 dzion. Sud pakinuŭ u sile papiaredniuju pastanovu, paviedamlaje «Biełsat».
Aleh padčas adnaho z maršaŭ. Fota Rozy Letavaj
Na pasiadžeńni taksama stała viadoma, što Aleh spyniŭ haładoŭku. Adnak ź jakich pryčyn i kali heta adbyłosia, nieviadoma. Taksama na ciapierašni momant niama anijakich źviestak pra stan jahonaha zdaroŭja.
Aleha Zajca zatrymali 23 studzienia na vulicy Mirašničenki, kali jon vyjšaŭ na prahułku, abvinavacili na dvuch pravaparušeńniach — 23.34 i 23.4 KaAP i pakarali 25 sutkami. Paviedamlałasia, u znak pratestu jon abviaściŭ haładoŭku.
Alehu Zajcu — 37 hadoŭ. Jon maje ankałahičnuju chvarobu, taksama ŭ jaho amputavanyja palcy na nahach, tamu jon nie moža pracavać bolš za 6 hadzin na dzień. Zajmajecca ramieśnictvam — vyrablaje branzalety i inšyja rečy, jakija pradajucca ŭ Jelisaviecinskim manastyry.