U Sierbii zajavili, što na prezidenta Vučyča rychtavaŭsia zamach
Pavodle palicyi, jon moh adbycca 27 studzienia padčas adkryćcia pomnika ŭ Białhradzie, piša TASS.
kremlin.ru
Sierbskaja palicyja vałodaje apieratyŭnymi źviestkami, što na prezidenta krainy Alaksandra Vučyča rychtavaŭsia zamach. Jon moh adbycca ŭ Białhradzie 27 studzienia — u dzień adkryćcia pomnika zasnavalniku siaredniaviečnaj Sierbskaj dziaržavy Stefanu Niemanie. Pra heta paviedamiŭ u noč na paniadziełak načalnik upraŭleńnia kryminalnaj palicyi Bohdan Pušyč u efiry kanała Pink.
Pa jaho słovach, na cyrymonii adkryćcia pomnika ŭ Białhradzie znachodziłasia bolš za 850 śpiecnazaŭcaŭ dla taho, kab abaranić lidara dziaržavy ŭ suviazi z tym, što, pavodle raźviedki, na jaho pasprabujuć ździejśnić zamach.
Supracoŭniki pravaachoŭnych orhanaŭ Sierbii 4 lutaha ŭ Białhradzie zatrymali 17 členaŭ arhanizavanaj złačynnaj hrupy (AZH) padčas śpiecapieracyi. AZH maskiravałasia pad hrupoŭki futbolnych zaŭziataraŭ, tamu zatrymańni i pieratrusy prajšli na stadyjonach «Partyzan» i «Rajka Micič» (chatniaja arena kłuba «Crviena źviezda»). Pavodle źviestak MUS krainy, u kvaterach, jakija naležać hrupoŭcy, znojdzienyja dźvie snajpierskija vintoŭki. Zatrymanych abvinavačvajuć u zabojstvach, vykradańniach, vymahańni i handli narkotykami. Pry hetym kančatkova paćvierdžanych źviestak ab dačynieńni zatrymanych da zamachu na Vučyča pakul nie pastupała. Idzie śledstva.
Alaksandr Vučyč 20 kastryčnika minułaha hoda ŭ śpiecyjalnym zvarocie da nacyi abviaściŭ vajnu mafii. Prezident Sierbii tady padkreśliŭ, što kryminału nie ŭdasca pieramahčy dziaržavu.
Na praciahu apošnich miesiacaŭ u Białhradzie ździejśniena niekalki zakaznych zabojstvaŭ. 13 vieraśnia 2020 hoda achviaraj zamachu staŭ kryminalny aŭtarytet Strachinia Stajanavič, jaho mašynu ŭzarvali ŭ centry horada. Zatym jašče adno zabojstva adbyłosia na padziemnaj parkoŭcy ŭ handlovym centry «Ušče».
Paźniej u adnym z elitnych damoŭ u novym Białhradzie na padziemnaj parkoŭcy svajho doma zastrelili mužčynu, jaki, pavodle papiaredniaj infarmacyi, byŭ źviazany z mafijaj.