U Łatvii na hod zabaranili telekanał «Rasija RTR»
Nacyjanalnaja rada pa elektronnych ŚMI (NEPLP) u paniadziełak vyrašyła na hod zabaranić tranślacyju «Rasija RTR» na terytoryi Łatvii.
Pra heta paviedamiŭ kiraŭnik praŭleńnia NEPLP Ivar Abolińš. Rašeńnie ŭstupić u siłu 15 lutaha, piša Delfi.
«My svaju infarmprastoru abaraniali, abaraniajem i budziem abaraniać», — padkreśliŭ Abolińš.
Letam NEPLP kanstatavaŭ raspalvańnie nianaviści ŭ pieradačy «60 chvilin» na telekanale i pačaŭ praces abmiežavańnia. Udzielniki toj prahramy, a taksama viadučaja Volha Skabiejeva pry razmovie pra Ukrainu vykarystoŭvali abaznačeńni, jakija rasceńvajucca jak chiejt-śpič. U pryvatnaści, Ukraina była nazvanaja terarystyčnaj dziaržavaj, a jaje były prezident Piatro Parašenka — terarystam. Padčas dyskusii viadučaja prapanavała ŭvieści na terytoryju Ukrainy rasijskija vojski, kab ucichamiryć abodva baki kanfliktu.
Heta nie pieršy raz, kali NEPLP abmiažoŭvaje retranślacyju «Rasija RTR» u Łatvii. Naprykład, u studzieni 2019 hoda jaje zabaranili na try miesiacy.
