Infiekcyjanist nazvaŭ pryčyny paŭtornaha zaražeńnia karanavirusam
Paŭtorna zarazicca karanavirusam možna ź niekalkich pryčyn. Ich raskryŭ doktar-infiekcyjanist Jaŭhien Cimakoŭ, piša lenta.ru.
Jon adznačyŭ, što časta novaje infikavańnie źviazana ź imunitetam čałavieka. Naprykład, jon moža być asłableny z-za pryjomu jakich-niebudź lekaŭ abo ŭ arhaniźmie stała mała antyciełaŭ. Akramia taho, u niekatorych imunnaja abarona niedastatkova sfarmavałasia paśla chvaroby.
Jašče adzin mahčymy varyjant novaha zaražeńnia — vysokaja virusnaja nahruzka pry častych kantaktach ź infikavanymi.
Cimakoŭ udakładniŭ, što pieraniesienaja karanavirusnaja infiekcyja ni ŭ jakim vypadku nie farmuje pažyćciovy imunitet. «Heta nie vietranaja vospa», — dadaŭ jon.
Pa jaho słovach, ludzi štohod chvarejuć u vyniku zaražeńnia roznymi karanavirusami. Chvaroby, vyklikanyja adnym kankretnym ŭzbudžalnikam, zvyčajna paŭtarajucca raz u try-čatyry hady.
