Ejsmant prapanavaŭ uvieści kryminalny pieraśled za zakliki da sankcyj
U Biełarusi treba ŭvieści kryminalny pieraśled za zakliki da sankcyj u dačynieńni da krainy, prapanavaŭ staršynia Biełteleradyjokampanii Ivan Ejsmant u prahramie «Kłub redaktaraŭ» na telekanale «Biełaruś 1», paviedamlaje BiełTA.
Padčas pieradačy dyrektar i hałoŭny redaktar Vydavieckaha doma «Biełaruś siehodnia» Dźmitryj Žuk zaŭvažyŭ, što patryjoty siarod apazicyi i patryjoty siarod praŭładna nastrojenych hramadzian za miažoj pavodziać siabie adnolkava: jany abaraniajuć intaresy rodnaj krainy. U toj ža čas jon kanstatavaŭ, što siarod apazicyi jość ludzi, jakija, znachodziačysia za miažoj, naadvarot, zaklikajuć da ŭviadzieńnia sankcyj i źviaržeńnia dziaržaŭnaha ładu.
«Treba prosta ŭvieści kryminalny pieraśled za zakliki da sankcyj u dačynieńni da pradpryjemstvaŭ, rodnaj krainy», — adkazaŭ Ivan Ejsmant.
Dekan fakulteta fiłasofii i sacyjalnych navuk BDU Vadzim Hihin u svaju čarhu pryvioŭ u prykład Złučanyja Štaty Amieryki. Jon adznačyŭ, što prychilniki roznych palityčnych siłaŭ mohuć abražać adzin adnaho, niecenzurna vykazvacca ŭ dačynieńni da ŭłady, ale nikoli nie buduć zaklikać da sankcyj suprać ZŠA ci da admieny spartyŭnych mierapryjemstvaŭ u krainie. «Jaho b prosta zaklejmavali jak na aficyjnym uzroŭni, tak i nie na aficyjnym», — skazaŭ jon.