Recept na vychodny: šakaładny braŭni

Fota Depositphotos.com

Vam spatrebiacca:

200 h masła

200 h ciomnaha šakaładu

100 h muki

40 h kakavy-parašku

50 h biełaha šakaładu

50 h małočnaha šakaładu

3 jajki

280 h cukrovaj pudry

1. Narežcie masła małymi kubikami i pakładzicie ŭ misku. Razłamajcie ciomny šakaład na nievialikija kavałki i dadajcie ŭ misku z masłam.
2. Napoŭnicie nievialičkuju kastrulku haračaj vadoj prykładna na čverć. Pastaŭcie misku źvierchu, kab jana abapirałasia na kastrulu, ale nie dakranałasia da vady. Pastaŭcie kastrulku na słaby ahoń, pieryjadyčna pieramiešvajcie masła z šakaładam, pakul jany nie rastajuć i nie pieratvoracca ŭ adnarodnuju sumieś.
3. Pakińcie sumieś achałodžvacca da pakajovaj tempieratury.
4. Praź sita nasypcie muku i kakavu ŭ misku siaredniaha pamieru.
5. Raźbicie 3 jajki ŭ vialikuju misku, dadajcie cukrovuju pudru. Uźbicie jajki z cukram z dapamohaj miksiera da biełaj sumiesi, jakaja pavinna pavialičycca ŭ abjomie ŭdvaja. Heta moža zaniać ad 3 da 8 chvilin u zaležnaści ad mahutnaści miksiera.
6. Dadajcie šakaładnuju sumieś da ŭźbitych jajek. Pavolna pieramiašajcie sumieś da ciomna-karyčnievaha koleru. Važna rabić heta pavolna i aściarožna, kab nie vybić pavietra z uźbitych jajek.
7. Praź sita da atrymanaj sumiesi dadajcie sumieś z kakavy i muki. Trasicie sitam z boku ŭ bok, kab raŭnamierna zapoŭnić pavierchniu. Paśla znoŭ aściarožna pieramiešvajcie da adnarodnaj sumiesi.
8. Narežcie bieły i małočny šakaład na nievialikija kavałki. Dadajcie ich u sumieś.
9. Razahrejcie duchoŭku da 180 S^°. Zaścialicie formu dla vypiečki antypryharnym pierhamientam. Vykładzicie sumieś na padrychtavanuju formu i vyraŭniajcie jaje.
10. Vypiakajcie šakaładny braŭni na praciahu 25 chvilin. Kali ciesta chistajecca pasiaredzinie, to varta vypiakać jašče 5 chvilin, pakul vierch nie pakryjecca bliskučaj korkaj, a baki braŭni pačnuć adstavać ad formy.
11. Dastańcie braŭni z duchoŭki, astudzicie, a zatym parežcie na kvadraty.

Smačna jeści!

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0