Kolki dajuć za toje, što spjanu zastreliš siabra na nielehalnym palavańni? 2,5 hoda chatniaj chimii
Biełaruskija sudy praciahvajuć žorstka karać pratestoŭcaŭ. Nadpis na asfalcie? Dva hady kałonii. Stuknuŭ pa mašynie DAI? Try hady kałonii. Kinuŭ kvietki ŭ AMAP? Čatyry hady ŭzmocnienaha režymu. Składvajecca ŭražańnie, što na vyraki pa palityčnych spravach nie ŭpłyvajuć ni pryzańnie viny, ni najaŭnaść dziaciej, ni jakija inšyja abstaviny. Ale ž tym časam u krainie prachodziać i inšyja sudovyja pracesy. Naprykład, sud Mijorskaha rajona ahučyŭ prysud miascovamu žycharu, jaki spjanu zastreliŭ na palavańni svajho znajomaha.
Usio adbyłosia jašče ŭ červieni. «Abvinavačany Ž.», jak jaho nazyvajuć u paviedamleńni suda, byŭ pjany «padčas praviadzieńnia niezakonnaha palavańnia». Pry sabie mieŭ niezarehistravanuju strelbu.
«U niejki momant 42-hadovy mužčyna zaŭvažyŭ ruch u kustach i, paličyŭšy, što heta žyvioła, streliŭ», — paviedamlali śledčyja.
Akazałasia, što ŭ kustach byŭ toj samy znajomy. Paranieny pamior na miescy.
Na sudzie Ž. pryznaŭ vinu. Abciažarvajučymi abstavinami pryznali toje, što jon byŭ na palavańni pjany, a «abstavinami, jakija źmiakčajuć adkaznaść abvinavačanaha, pryznanyja čystasardečnaje raskajańnie i najaŭnaść na ŭtrymańni dvaich małaletnich dziaciej».
Prysud — 2 hady i 6 miesiacaŭ chatniaj chimii za pryčynieńnie śmierci pa nieaściarožnaści. Nu i na 5 hadoŭ mužčynu zabaroniena palavać.
A što, nie na asfalcie ž malavaŭ.