Daražeje charčavańnie ŭ sadkach i škołach. U siarednim na 20-40 kapiejek u dzień
Pavialičanyja normy vydatkaŭ na charčavańnie va ŭstanovach adukacyi. Heta praduhledžana pastanovaj urada ad 1 lutaha №61. Vydatki vyraśli ŭ siarednim na 20-40 kapiejek u sutki na adno dzicia, źviartaje ŭvahu Tut.by.
Hrašovyja normy vydatkaŭ na charčavańnie ŭ dzień na adnaho navučenca ŭ jaślach, jaślach-sadkach, dziciačych sadkach, daškolnych centrach raźvićcia dziciaci pavialičanyja da 2,75—4,3 rubla (raniej 2,5−3,91 rubla) u zaležnaści ad uzrostu i praciahłaści znachodžańnia ŭ daškolnaj ustanovie.
Vydatki na charčavańnie ŭ sanatornych jaślach-sadkach, sanatornych dziciačych sadkach, sanatornych hrupach z praciahłaściu znachodžańnia 12-24 hadziny pavialičacca da 4,13 rubla (1-2 hady) i 4,97 rubla (3-6 hadoŭ). Da hetaha jany składali 3,72 i 4,69 rubla adpaviedna.
Na charčavańnie navučencaŭ u pačatkovych škołach, bazavych škołach, siarednich škołach, himnazijach, licejach normy pavialičacca z 2,67 da 2,86 rubla.
Kali dzicia chodzić u hrupu padoŭžanaha dnia i atrymlivaje 3-razavaje charčavańnie, sutačnaja norma składzie 3,71-4,08 rubla (raniej 3,4−3,78), heta značyć košt vyraście prykładna na 30 kapiejek.
Pavialičacca taksama hrašovyja normy vydatkaŭ na charčavańnie ŭdzielnikaŭ adukacyjnych mierapryjemstvaŭ.
Razam z padaražeńniem charčavańnia z 1 lutaha pavialičyŭsia pamier dapamoh na dziaciej. Prybaŭka skłała kala 10,5%.