Skandał u vilenskaj škole: nastaŭnica dražnić dziaciej i baćkoŭ fotami z Maldyvaŭ
U Litvie ŭžo niekalki miesiacaŭ dziejničaje žorstki karancin, navučańnie całkam pravodzicca dystancyjna. Nastaŭnica adnoj ź vilenskich škoł skarystałasia momantam, źjechała na Maldyvy i pracuje adtul. Baćki vučniaŭ aburylisia hetym, piša Delfi.
«Mała taho, jana pra heta piša ŭ fejsbuku i dzielicca infarmacyjaj pra adpačynak.
Infarmacyja publičnaja: nastaŭnica zaprašaje da siabie ŭ siabry baćkoŭ svaich dziaciej. Na profili jość fatahrafii i ŭ kupalniku. Heta narmalna dla nastaŭnika? Heta etyčnyja pavodziny? Dzieci druhi hod nie zmohuć adznačyć dzień naradžeńnia, jany abmiežavanyja ŭ svajoj svabodzie, nie mohuć sustrakacca ź siabrami, nie mohuć naviedvać hurtki, a nastaŭnica Vieranika dražnić dziaciej i ich baćkoŭ fatahrafijami z Maldyŭskich vyspaŭ.
Jašče adzin momant — my sumniavajemsia, što piedahoh moža addalena pracavać z-za miažy» — napisali ŭ redakcyju baćki. Pa ich słovach, jany ŭžo źviarnulisia ŭ Ministerstva navuki, adukacyi i sportu Litvy.
Sama nastaŭnica na zvanki žurnalistaŭ nie adkazała. Dyrektar himnazii skazaŭ, što viadziecca rasśledavańnie situacyi.
