Asnoŭnaje za 4 lutaha: Cichanoŭskaja sustrełasia z amierykanskim pasłom, Biełaruś zasypaje śnieham, zatrymańni dziaržaŭnych funkcyjanieraŭ
Pryvatnym łabaratoryjam dazvolili rabić testy na «kavid». Ale jość niuans
Ustanovy achovy zdaroŭja niedziaržaŭnaj formy ŭłasnaści, jakija majuć licenziju na akazańnie łabaratornaj dyjahnostyki, zmohuć pravodzić PŁR-daśledavańni na najaŭnaść SARS-CoV-2.
Pahladzicie na śniežny Minsk siońnia FOTY
Takija śniežnyja zimy, jak hetaja, byvajuć prykładna raz na piać hadoŭ. I heta jašče nie apošni śnieh. Novyja śniehapady prahnazujucca ŭ siaredzinie nastupnaha tydnia.
Śviatłana Cichanoŭskaja sustrełasia z pasłom ZŠA Džuli Fišer
Śviatłana Cichanoŭskaja adznačyła: «Dla mianie vialiki honar vitać novaha ambasadara ZŠA ŭ Biełarusi. Siabroŭstva z ZŠA maje vielmi vialikaje značeńnie dla biełaruskaha naroda i jaho imknieńnia da demakratyčnaj budučyni».
Budynak suda akružany, usie pasiadžeńni admienienyja. Jak pačynajecca praces pa «spravie Biełhazprambanka»
4 lutaha pačałosia papiaredniaje sudovaje pasiadžeńnie pa «spravie Biełhazprambanka», jaho razhladaje Viarchoŭny sud u budynku suda Maskoŭskaha rajona. Budynak suda zastaŭleny mietaličnymi aharodžami, pa pierymietry dziažurać siłaviki ŭ bałakłavach, dla naviedvalnikaŭ sud začynieny da 15.00, usie pasiadžeńni admienienyja. Pryniatyja biesprecedentnyja miery biaśpieki, jakich nie było navat pa spravie ab vybuchu ŭ mietro.
ByPol apublikavaŭ list ministra Kubrakova: skardzicca, što sudy Minskaj vobłaści dajuć demanstrantam štrafy i adpuskajuć
Inicyjatyva BYPOL apublikavała list ministra ŭnutranych spraŭ Ivana Kubrakova ŭ Radu biaśpieki, dasłany ŭ pačatku listapada 2020 hoda. Jon zaniaŭ pasadu niezadoŭha da taho, u kancy kastryčnika. U pres-słužbie MUS nazvali list fejkam.
Za chabar zatrymali dyrektara HUMa
Hałoŭnym upraŭleńniem pa rasśledavańni złačynstvaŭ u śfiery arhanizavanaj złačynnaści i karupcyi SK raspačata kryminalnaja sprava ŭ dačynieńni da dyrektara AAT «HUM» Alaksandra Krepaka.
Pracy aŭtarstva Ramana Bandarenki i šyldačku ź jaho imiem znajšli ŭ Žyrovickim manastyry
Rośpis znachodzicca ŭ trapieznaj manastyra. Akramia hetaha, pobač na ścianie visić čakanka z proźviščami mastakoŭ.
