Vykładčyka pa płavańni z Baranavičaŭ asudzili na dva hady kałonii za kaktejl Mołatava
U Baranavičach na dva hady pazbaŭleńnia voli ŭ kałonii ahulnaha režymu asudzili treniera-vykładčyka pa płavańni ŭ miascovaj spartyŭnaj škole Alaksieja Paviadaŭłu.
Mienavita stolki prasiŭ prakuror. Jaho pryznali vinavatym u złačynstvie pa č. 1 art. 295-3 Kryminalnaha kodeksa — «Niezakonnyja dziejańni ŭ dačynieńni da pradmietaŭ, dziejańnie jakich zasnavana na vykarystańni haručych rečyvaŭ». Da suda jon znachodziŭsia pad padpiskaj ab niavyjeździe. Paśla ahučvańnia prysudu jaho ŭziali pad vartu, piša spring96.org.
Pavodle abvinavačvańnia, Alaksiej Paviadajła vyrabiŭ, zachoŭvaŭ i pieravoziŭ u aŭtamabili «Aŭdzi A6» haručaje rečyva, ź jakim jaho zatrymali 11 žniŭnia ŭ Baranavičach. Sumieś była adpraŭlena na ekśpiertyzu, i, zhodna ź jaje vynikami, skład sumiesi byŭ blizkim da składu «kaktejlu Mołatava».
Paviadajła pryznaŭ, što pieravoziŭ i zachoŭvaŭ hetuju sumieś, ale admaŭlaje jaje vyrab. Taksama jon kazaŭ na sudzie, što zachoŭvaŭ i vykarystoŭvaŭ jaje dla asabistych bytavych patreb. Vykarystoŭvać jaje ŭ jakaści «kaktejlu Mołatava» jon nie źbiraŭsia.
