Google kampiensuje $3,8 miljona žančynam i azijatam
Technałahičny hihant Google zapłacić $3,8 miljona, kab vyrašyć pytańnie z nahody abvinavačvańniaŭ kampanii ŭ dyskryminacyi žančyn, a taksama rabotnikaŭ azijackaha pachodžańnia.
Fota Depositphotos.com
Heta zakryje spravu, raspačatuju 4 hady tamu Departamientam pracy ZŠA, piša DW.
Padčas pravierki było vyjaŭlena, što Google z 2014 da 2017 hoda płaciŭ žančynam mienš, čym mužčynam na tych ža pasadach. Akramia hetaha, kampanija dyskryminavała kandydataŭ azijackaha pachodžańnia.
Doŭhi čas Google asprečvaŭ hetyja abvinavačvańni, ale paśla pajšoŭ na pahadnieńnie.
U vyniku technałahičnaja kampanija vypłacić kala $1,35 miljona 2565 žančynam u jakaści kampiensacyi za papiaredniuju dyskryminacyju ŭ apłacie pracy. Jašče $1,23 miljona vypłaciać 1700 žančynam i 1200 azijatam, jakich nie ŭziali na pracu ŭ kampaniju praz pałavuju i rasavuju dyskryminacyju.
Pahadnieńnie taksama patrabuje, kab kampanija štohod vyłučała $250 000 na praciahu 5 hadoŭ u vypadku nieabchodnaści dadatkovych kampiensacyj u budučyni.