U Maładziečnie pakupnik u kramie skraŭ knihu skarhaŭ i moža atrymać dva hady źniavoleńnia
Zdareńnie adbyłosia ŭ adnym z supiermarkietaŭ na vulicy Vialiki Haściniec.
Pakupnik u adździele kulinaryi aburyŭsia, što na pryłaŭku lažaŭ ceńnik na tavar, a samoj pradukcyi nie było, paviedamlaje «Rehijanalnaja hazata».
Mužčyna paprasiŭ dać knihu skarhaŭ. Adnak atrymaŭšy jaje, jon nie staŭ pisać vodhuk na miescy, a praciahnuŭ chadzić pa kramie. Pakłaŭšy knihu ŭ sumku, panios z saboj.
Rabotniki mahazina źviarnulisia ŭ milicyju. Tyja vyjavili, što heta byŭ 50-hadovy mužčyna. Spačatku jon kazaŭ, što pakinuŭ knihu ŭ košyku. Paźniej skazaŭ, što rabotniki mahazina niekarektna ź im razmaŭlali, tamu jon vyrašyŭ napisać zaŭvahu doma. Ale paśla pieradumaŭ i schavaŭ knihu skarhaŭ za batarejaj u padjeździe.
Dziejańni mužčyny kvalifikavany na padstavie častcy 1 artykuła 377 KK «Kradziež, źniščeńnie, paškodžańnie abo ŭtojvańnie dakumientaŭ, štampaŭ, piačatak, kradziež błankaŭ», sankcyja hetaha artykuła praduhledžvaje da dvuch hadoŭ pazbaŭleńnia voli.
