Piaskoŭ pra akcyi pratestu: Tych, chto padtrymlivaje Pucina, nieparaŭnalna bolš
Udzielniki akcyj pratestu ŭ Rasii składajuć «niaznačnuju kolkaść ludziej» u paraŭnańni z tymi, chto padtrymlivaje i hałasuje za Uładzimira Pucina.
Pra heta skazaŭ pres-sakratar prezidenta RF Dźmitryj Piaskoŭ, adkazvajučy na pytańnie «Mieduzy», ci praciahvajuć u Kramli ličyć pratest małakolkasnym.
Jość tyja, chto niehatyŭna stavicca, i jość tyja, chto padtrymlivajuć Pucina. I tych, chto padtrymlivaje Pucina, nieparaŭnalna bolš, čym tych, chto hetaha nie robić.
Ale i tyja, i inšyja źjaŭlajucca hramadzianami Rasii, i my z pavahaj stavimsia da punktaŭ hledžańnia i tych, i inšych. Naturalna, bolšaść impanuje bolš.
Havoračy ab palityčnych łozunhach pratesnych akcyj, jon zajaviŭ nastupnaje: «Staŭleńnie da kiraŭnika dziaržavy, kali heta nie źviazana ź niejkimi abraźlivymi vypadami, jano vykazvajecca padčas hałasavańnia na vybarach. I voś heta voś mienavita toje staŭleńnie, reakcyja na jakoje moža mieć niejkija lehitymnyja vyniki.
Ale kali vykazvać hetaje staŭleńnie, raźbivajučy mašyny i kidajučysia čymści ŭ palicejskich, to, viadoma, my da hetaha stavimsia vielmi niehatyŭna».
