Hrodzienca buduć sudzić za chulihanstva: jon biŭ i dušyŭ ludziej, jakija zafarboŭvali bieł-čyrvona-bieły ściah
39-hadovaha indyvidualnaha pradprymalnika abvinavacili ŭ hvałcie da ludziej, jakija zafarboŭvali bieł-čyrvona-biełyja pałosy na tratuary.
Ilustracyjnaje fota
Prakuratura Hrodna nakiravała ŭ sud kryminalnuju spravu ab chulihanstvie, piša hrodna.life.
Pavodle viersii prakuratury, hrodzieniec 14 śniežnia na vuł. Ahinskaha ŭ Hrodnie ŭžyŭ hvałt da mužčyny i žančyny, jakija zafarboŭvali bieł-čyrvona-biełyja pałosy na tratuarnaj plitcy. Jon schapiŭ paciarpiełych za ruki i vopratku, pačaŭ šturchać ich z boku ŭ bok, staŭ cisnuć žančynu za šyju, sarvaŭ z tvaru mužčyny miedycynskuju masku. Na dumku prakuratury, jon prajaviŭ jaŭnuju niepavahu da hramadstva i demanstravaŭ svaju fizičnuju pieravahu.
Pavodle č. 1 art. 339 KK hrodziencu pahražaje da troch hadoŭ pazbaŭleńnia voli.