Piaskoŭ: Niekarektna nazyvać imiony biznesoŭcaŭ, jakija vałodajuć «pałacam» u Hielendžyku
Pra heta zajaviŭ žurnalistam u aŭtorak pres-sakratar prezidenta RF Dźmitryj Piaskoŭ
Adkazvajučy na pytańnie, ci viadomyja ŭłaśniki «pałaca», pakazanaha ŭ rasśledavańni FBK, Piaskoŭ skazaŭ: «Vidavočna, što ŭładalnikam źjaŭlajecca pradprymalnik», piša TASS.
«Sapraŭdy, heta vialiki abjekt, jon dobra viadomy ŭ Hielendžyku, — zaŭvažyŭ jon. — I adzin abo niekalki [pradprymalnikaŭ] prosta ci apasrodkavana vałodajuć hetym abjektam».
Pry hetym pres-sakratar prezidenta skazaŭ, što Kreml «nie maje nijakaha prava vydavać imiony hetych uładalnikaŭ». «I my nie źbirajemsia hetaha rabić, heta prosta było b niekarektna», — rastłumačyŭ jon.
Kamientujučy zaŭvahu žurnalista ab tym, što ŭ zhadanym «rasśledavańni» sam prezident nie nazyvajecca ŭłaśnikam abjekta, pradstaŭnik Kramla zajaviŭ: «Nie pahadžusia z vami».
«U hetym rasśledavańni śćviardžajecca, što heta pałac Pucina i što jon budavaŭsia dla Pucina, — skazaŭ Piaskoŭ. — Tut ja z vami kateharyčna nie zhodny».
