Maksim Znak zastajecca ŭ SIZA da sakavika, sud adchiliŭ skarhu abarony
Sud Partyzanskaha rajona siońnia pakinuŭ biez zadavalnieńnia skarhu abarony Maksima Znaka na padaŭžeńnie terminu źniavoleńnia pad vartu da 9 sakavika.
Juryst zastajecca ŭ SIZA №1 na vulicy Vaładarskaha, paviedamlaje pres-słužba Viktara Babaryki.
Maksim Znak byŭ zatrymany 9 vieraśnia. Jon abvinavačvajecca ŭ zaklikach da dziejańniaŭ suprać nacbiaśpieki (č. 3. art. 361 KK), abarona siońnia nakiravała ŭ hienprakuraturu skarhu na ŭsie papiarednija admovy ŭ spynieńni kryminalnaha pieraśledu. Heta sprava Kaardynacyjnaj rady.
U śniežni Hienprakuratura zaviała dźvie novyja kryminalnyja spravy ŭ dačynieńni da členaŭ Kaardynacyjnaj rady pa faktach stvareńnia ekstremisckaha farmiravańnia i kiraŭnictva im, finansavańnia jaho dziejnaści i zmovy z metaj zachopu dziaržaŭnaj ułady niekanstytucyjnym šlacham. Maksimu Znaku abvinavačvańniaŭ pa novych spravach vystaŭlena nie było.
