Va Uzbrojenych siłach pačałasia pravierka bajavoj hatoŭnaści
Va Uzbrojenych siłach pad kiraŭnictvam načalnika Hienštaba — pieršaha namieśnika ministra abarony — pačałasia kompleksnaja pravierka bajavoj i mabilizacyjnaj hatoŭnaści.
Fota Minabarony
Asnoŭnaja meta — pravierka i pavyšeńnie ŭzroŭniu bajavoj i mabilizacyjnaj hatoŭnaści i zdolnaści złučeńniaŭ i voinskich čaściej vykanać svaje zadačy pa pryznačeńni ŭ sučasnych umovach, paviedamlaje Minabarony.
Paviedamlajecca, što dziejańni projduć praktyčna na ŭsich palihonach Uzbrojenych sił i asobnych učastkach miascovaści.
Vojskam treba budzie dziejničać u roznych umovach — pieraadolvać vodnyja pieraškody, adpracoŭvać vučebna-bajavyja zadačy dniom i nočču jak u lasnych masivach, tak i ŭ nasielenych punktach.
Zaviaršyć pravierku płanujecca praviadzieńniem kantrolnych zaniatkaŭ i taktyčnych vučeńniaŭ z bajavoj stralboj roznaha ŭzroŭniu.