Žychara Śvietłahorska adpravili na 2,5 hoda «chimii» za kamientar u adras milicyjaniera
Žychara Śvietłahorska Valeryja Łozu abvinavačvali ŭ abrazie pradstaŭnika ŭłady ŭ suviazi z vykanańniem im svaich abaviazkaŭ. Łoza pisaŭ u sacyjalnaj sietcy «Adnakłaśniki» pad dopisam ab dziejańniach inśpiektara DPS Andreja Bahrajonka padčas žnivieńskich pratestaŭ kamientary, u jakich emacyjna vykazvaŭsia pra hieroja pasta, pieradaje «Paleskaja viasna».
Andrej Bahrajonak svaje maralnyja pakuty jon acaniŭ u 3000 rubloŭ, padaŭšy pazoŭ ab spahnańni hetaj sumy z Łozy. Apošni pryznaŭ hetaje patrabavańnie častkova, pahadziŭšysia dobraachvotna vypłacić milicyjanieru 1500 rubloŭ.
Sudździa Halina Hulevič pahadziłasia z zapytanym abvinavaŭcam pakarańniem i pryznačyła Valeryju Łozu 2,5 hady abmiežavańnia voli z nakiravańniem u papraŭčuju ŭstanovu, a taksama pastanaviła spahnać ź jaho 1500 rubloŭ maralnaj škody na karyść Bahrajonka.
