Zatrymanamu ŭ Lidzie žurnalistu Juryju Dziašuku pahražaje kryminałka
Žurnalist Juryj Dziašuk, jakoha zatrymali ŭ sieradu ŭ Lidzie, źjaŭlajecca padazravanym pa kryminalnaj spravie ab złosnym chulihanstvie (č.2 art.339 Kryminalnaha kodeksa). Jaho źmiaścili ŭ izalatar.
Rodnyja miarkujuć, što zatrymańnie žurnalista źviazanaje z kryminalnaj spravaj, jakuju zaviali z nahody padtrymki asudžanaha na 5 hadoŭ źniavoleńnia aktyvista Vitolda Ašurka ŭ sudzie.
20 studzienia ŭ Lidzie milicyja zatrymlivała mnohich, chto prysutničaŭ na ahałašeńni prysudu Ašurku. Žurnalistka Volha Bykoŭskaja na svajoj staroncy ŭ Facebook raźmiaściła videa incydentu paśla suda nad Ašurkam. Na im bačna, jak ludzi ŭ zali aburajucca prysudam i kryčać «Hańba!» i «Vierym! Možam! Pieramožam!»
Ale na videa vyrazna bačna, što Juryj Dziašuk (sprava ŭ biełym šaliku) zaniaty vyklučana žurnalisckaj pracaj — jon uvieś čas zdymaje padziei na telefon. Inšych akaličnaściaŭ spravy my pakul nie viedajem.
BAŽ nahadvaje, što na hety momant užo 10 pradstaŭnikoŭ miedyja znachodziacca ŭ Biełarusi ŭ niavoli pa kryminalnych spravach.