60-hadovaha minčuka asudzili na 2 hady kałonii za dva ŭdary amapaŭcu
U sudzie Centralnaha rajona 21 studzienia vynieśli prysud Alaksandru Hubiejku, zatrymanamu 4 kastryčnika.
Sud pryznaŭ jaho vinavatym u hvałcie suprać milicyjanta. Pavodle paciarpiełaha (sa schavanym imiem i proźviščam), Hubiejka dvojčy jaho ŭdaryŭ, kab adbić pratestoŭca, jakoha milicyjant źbiraŭsia zatrymać. Milicyjant skazaŭ, što paśla hetaha trapiŭ u špital na «9-10 dzion», paviedamlaje spring96.org
Alaksandr Hubiejka zajaviŭ, što apynuŭsia ŭ miescy praviadzieńnia akcyi vypadkova, a pratakoł, dzie napisana, što jon biŭ milicyjanta, padpisaŭ pad ciskam. Jon adznačyŭ, što ŭ jaho niekali była składanaja traŭma plača, paśla jakoha ruka drenna funkcyjanuje, i tamu jon nie moh i nie staŭ by bić amapaŭca.
Sudździa Viktoryja Šabunia pryznała Alaksandra Hubiejku vinavatym, adpraviła jaho ŭ kałoniju na 2 hady i pastanaviła vypłacić 2500 rubloŭ paciarpiełamu milicyjantu.
