Mahiloŭca asudzili na hod «chimii» za raskidanyja samarezy kala budynkaŭ siłavych orhanaŭ
Sud Leninskaha rajona Mahilova 21 studzienia asudziŭ 50-hadovaha Siarhieja Bazuka pavodle č. 1 art. 339 Kryminalnaha kodeksa (Chulihanstva) na adzin hod «chimii», paviedamlaje MAYDAY. Jaho abvinavacili ŭ tym, što 26 kastryčnika i 11 listapada jon raskidaŭ na słužbovych stajankach kala abłasnoha ŭpraŭleńnia milicyi, Kamiteta dziaržaŭnaha kantrolu, 11-ha ŭpraŭleńnia HUBAZiK i Śledčaha kamiteta samarezy, kab supracoŭniki hetych viedamstvaŭ prabili koły słužbovych mašyn. Ad dziejańniaŭ mahiloŭca paciarpieŭ tolki supracoŭnik KDK, jaki acaniŭ škodu ŭ 30 rubloŭ. Spravu razhladała sudździa Aksana Ratnikava. Mužčynu trymali pad vartaj z 16 listapada, siońnia jaho vyzvalili ŭ zale suda.
Siarhiej Bazuk na sudzie svaju vinu pryznaŭ całkam i raskajaŭsia. Naniesienuju škodu ŭ 30 rubloŭ abvinavačany kampiensavaŭ jašče da pieršaha sudovaha pasiadžeńnia.
Sudździa suda Leninskaha rajona Aksana Ratnikava pakarała mahiloŭca abmiežavańniem voli z adbyćciom u papraŭčuju ŭstanovu adkrytaha typu terminam na adzin hod.
