Pradstaŭnik ES: Treba bolš času, kab sankcyi padziejničali
Sankcyi, uviedzienyja Jeŭracajuzam u dačynieńni da Biełarusi, pakul nie dali nijakaha efiektu, pakolki na toje, kab ich vynik staŭ bačny, nieabchodna bolš času.
pixabay.com
Takoje mierkavańnie vykazaŭ u čaćvier na bryfinhu ŭ Brusieli pres-sakratar zamiežnapalityčnaj słužby ES Peter Stana, piša TASS.
«ES uvioŭ užo try błoki sankcyj suprać fizičnych asob (pradstaŭnikoŭ kiraŭnictva krainy, uklučajučy Alaksandra Łukašenku) i kampanij u Biełarusi. Što tyčycca efiektyŭnaści sankcyj u dačynieńni da Biełarusi — my pastajanna manitorym jaje. Adnak patrabujecca bolšy čas, kab sankcyi padziejničali. Na žal, my pakul bačym, što represii nie spynilisia, i ŭsie aryštavanyja zastajucca za kratami», — adznačyŭ jon.
U suviazi z hetym Stana padkreśliŭ, što «sankcyjny režym u dačynieńni da Biełarusi nosić adkryty charaktar» i moža być uzmocnieny, «pakul nieprymalnaje [z punktu hledžańnia Brusiela] raźvićcio padziej praciahvajecca».
