Nadzieja Astapčuk: Saviet IICHF pryniaŭ adzina pravilnaje rašeńnie
Čempijonka śvietu ŭ šturchańni jadra i člen Kaardynacyjnaha savieta Nadzieja Astapčuk prakamientavała rašeńnie IICHF pazbavić Minsk prava na praviadzieńnie ČS-2021.
— ČS — heta śviata, a śviata suśvietnaha chakieja nie moža być praviedziena ŭ takoj napružanaj abstanoŭcy, jak u Biełarusi, — prakamientavała rašeńnie ab admienie čempijanatu pa chakiei Nadzieja Astapčuk, čempijonka śvietu ŭ šturchańni jadra i siabra KS.
Saviet IICHF pryniaŭ adzina pravilnaje rašeńnie. Niemahčyma było nie pačuć dziasiatki tysiač zvarotaŭ našych hramadzian z zaklikam nie pravodzić ČS u Minsku. Biełaruski fond spartyŭnaj salidarnaści zrabiŭ vialikuju pracu i pieradaŭ Mižnarodnaj fiederacyi vialiki abjom materyjałaŭ z faktami i dokazami, jakich było bolš čym dastatkova dla pryniaćcia pravilnaha rašeńnia. Ale, na žal, asabistyja ambicyi i dziŭnyja ŭzajemaadnosiny z režymam spadara Faziela ledź nie pryviali da kałapsu samu Mižnarodnuju fiederacyju chakieja, — skazała Astapčuk.