Čempijonka Biełarusi pa muaj-taj praviała noč na Akreścina i atrymała 870 rubloŭ štrafu: uskłała kvietki na Puškinskaj
Čempijoncy pa tajskim boksie fielčarcy Anastasii Kałašnikavaj dali 30 bazavych štrafu (870 rubloŭ). Pra heta raspaviała siabroŭka dziaŭčyny.
Dziaŭčynu zatrymali ŭ niadzielu kala stancyi mietro «Puškinskaja». Jana viartałasia dadomu paśla sustrečy ŭ kaviarni ź siabroŭkaj i pakłała kvietki da miemaryjała Tarajkoŭskamu. Paśla hetaha dziaŭčynu zatrymali.
Sud adbyŭsia ŭ paniadziełak. Za «adzinočny pikiet» Nastaśsi dali štraf u 30 bazavych — 870 rubloŭ. Brat spartoŭki pajechaŭ zabirać jaje z Akreścina, dzie dziaŭčyna praviała noč.
U svaim instahramie Nastaśsia dzialiłasia fota i videa z akcyj pratestu. Cikava, što niekalki hod tamu dziaŭčyna nabiła na nazie tatu z Łukašenkam. Jana tłumačyła heta tym, što mnohija nanosiać na cieła vyjavy viadomych ludziej.