Stała viadoma, kali ŭ Biełarusi pačnuć pryščaplać ad karanavirusa ŭsich žadajučych
Ministr achovy zdaroŭja Dźmitryj Pinievič raspavioŭ pra vakcynacyju suprać karanavirusa ŭ Biełarusi: padpisany kantrakt na 170 tysiač vakcyn «Spadarožnik V», paviedamlaje STB.
— Heta pieršaja partyja vakcyn, jakaja da nas pastupiła. Jana adpaviednym čynam raźbita na niekalki drobnych partyj. Da Novaha hoda pastupiła 20 tysiač vakcyn, była projdzienaja pravierka jakaści i biaśpieki, — skazaŭ Pinievič.
Zaraz praciahvajecca vakcynacyja miedycynskich supracoŭnikaŭ. Ministerstva achovy zdaroŭja čakaje pastupleńnie nastupnaj partyi preparata ŭ najbližejšy čas, tady pačnuć pryvivać piedahohaŭ.
— U pieršym kvartale hetaha hoda my pavinny vypuścić užo pad biełaruskim brendam vakcynu «Sputnik V» sumiesna z našymi rasijskimi kalehami na mahutnaściach ajčynnaha farmpradpryjemstva «Biełmiedpreparaty», — rastłumačyŭ ministr.
Pa słovach Pinieviča, heta budzie mahčyma prykładna z krasavika, kali zavieršycca vakcynacyja ŭraźlivych i kantralavanych hrup nasielnictva. Havorka idzie pra miedrabotnikaŭ, piedahohaŭ, supracoŭnikaŭ transpartu, handlu, rabotnikaŭ ŚMI.
— Tady pačniom pracavać i pa inšych hrupach, — dadaŭ kiraŭnik Ministerstva achovy zdaroŭja.