«Z-za nieadpaviednaści minimalnym kryteryjam». Brazilija admoviłasia rehistravać rasijskuju vakcynu
Rasija płanavała pastavić u Braziliju 150 młn doz «Spadarožnika V», ale dziaržrehulatar krainy viarnuŭ zapyt brazilskaj farmkampanii Uniao Quimica, patłumačyŭšy heta tym, što rasijski preparat nie adpaviadaje nieabchodnym kryteram, paviedamlaje The Guardian.
Brazilskaje Nacyjanalnaje ahienctva pa sanitarnym nahladzie (Anvisa) adchiliła zapyt na adabreńnie vykarystańnia rasijskaha preparata «Spadarožnik V» u ekstrannych vypadkach.
Rehulatar dadaŭ, što dakumienty na dazvoł užyvać preparat viarnuli farmkampanii Uniao Quimica, pakolki «Spadarožnik V» nie adpaviadaje dziaržaŭnym kryteram: «Zapyt byŭ viernuty kampanii z-za nieadpaviednaści minimalnym kryteram, u pryvatnaści z-za adsutnaści dazvołu na praviadzieńnie kliničnych vyprabavańniaŭ treciaj fazy, a taksama pytańniaŭ, źviazanych z naležnaj vytvorčaj praktykaj»
U rasijskim fondzie pramych inviestycyj u svaju čarhu zajavili, što infarmacyja ab admovie rehistracyi miedycynskaha srodku nibyta nie adpaviadaje rečaisnaści. Pa słovach pradstaŭnikoŭ arhanizacyi, Anvisa tolki prosić dadatkovuju infarmacyju adnosna «Spadarožnika V», jakaja budzie pradastaŭlena ŭ najbližejšy čas.