17-hadovy Cimur Mickievič, jaki 13 žniŭnia trapiŭ u reanimacyju, žyvy i znachodzicca ŭ biaśpiecy
Jon paviedamiŭ pra heta ŭ svaim instahramie.
13 žniŭnia Cimur trapiŭ u reanimacyju. Jaho dastavili ŭ balnicu z RUUS sa šmatlikimi traŭmami. Chłopiec u balnicy znachodziŭsia niejki čas u miedykamientoznaj komie.
3 vieraśnia padletka zatrymali i advieźli na dopyt u ramkach art. 293 KK (Masavyja biesparadki). Śledčyja zajavili, što padletak aktyŭna ŭdzielničaŭ u masavych biesparadkach i datyčny da napadu na kiroŭcu hruzavika.
8 vieraśnia Cimur Mickievič źnik z balnicy, paśla infarmacyi pra jaho nie było. 24 vieraśnia pamierła jaho maci, sirotami zastalisia 9 dziaciej.
Paźniej Andrej Stryžak raskryŭ niekatoryja padrabiaznaści evakuacyi Cimura ź Biełarusi.
«Narešcie mahu napisać hetyja słovy i adkazać na sotni vašych pytańniaŭ. Chłopca katavali, potym jon trapiŭ u balnicu, adkul jamu ŭdałosia ŭciačy i zalehčy na dno. Potym była vialikaja detektyŭnaja apieracyja, u jakoj uziali ŭdzieł dziasiatki čałaviek, i ja rady tamu, što maje dačynieńnie da hetaj vialikaj spravy.
Za čas, pakul chłopiec byŭ u biahach, na žal, pamierła jaho maci. Dla dapamohi siamji sabrali bolš za 9000 Jeŭra, jakija ciapier buduć raźmierkavany pamiž dziećmi».