Biełarus Jahor Šaranhovič debiutavaŭ u NCHŁ
«Ńju-Džersi» ŭ sieryi bulitaŭ sastupiŭ «Bostanu» ŭ startavym chatnim matčy rehularnaha čempijanatu NCHŁ ź likam 2:3.
Biełaruski forvard haspadaroŭ Jahor Šaranhovič debiutavaŭ u najmacniejšaj lizie śvietu, jakaja pačała siezon tolki paru dzion tamu z-za karanavirusa. Apošni raz biełarus (heta byŭ Michaił Hraboŭski) hulaŭ u NCHŁ u sakaviku 2016 hoda.
Jahor vychodziŭ na lod u pieršaj trojcy razam z Džekam Chjuzam i Kajłam Pałmjery, hulaŭ u śpiecbryhadzie mienšaści, a taksama ŭ aviertajmie. Jahor pravioŭ na lodzie 17 chvilin 23 siekundy (čaćviorty siarod forvardaŭ «Ńju-Džersi»), vykanaŭ 2 kidki, zabłakavaŭ kidok, vyjhraŭ 80% ukidvańniaŭ (4/5), zrabiŭ 2 pierachopy i dapuściŭ 4 straty, zaviaršyŭšy matč z pakazčykam karysnaści «+1». Akramia taho, hulcy «Bostana» zarabili na Šaranhovičy try małyja štrafy, piša «Presboł».
16 studzienia (subota) «Ńju-Džersi» znoŭ prymie «Bostan». Pačatak matču ŭ 21.00 pa biełaruskim časie.
