Sučasny mastacki teatr zapłanavaŭ na 25 sakavika premjeru śpiektakla pavodle ramana «Były syn»
Sučasny mastacki teatr, jaki prypyniŭ svaju dziejnaść paśla taho, jak byŭ vymušany syści z treciaj placoŭki, tym nie mienš anansavaŭ novy śpiektakl. Heta maje być pastanoŭka pavodle ramana «Były syn» Sašy Filipienki. Infarmacyja pra heta źjaviłasia na staronkach SMT i piśmieńnika ŭ fejsbuku — premjera zapłanavanaja na 25 sakavika.
Fota sa staronki Sašy Filipienki na fejsbuku
Režysioram pastanoŭki stanie mastacki kiraŭnik teatra Uładzimir Ušakoŭ. Jak jon kazaŭ «Našaj Nivie» raniej, repietycyi novaha materyjału ŭžo iduć. «Z adnaho boku, heta fiłasofskaja, skažam, kantaŭskaja karcina Biełarusi, ź inšaha boku — humanistyčnyja pohlady Kamiu i Bykava. Na moj pohlad, heta vielmi dobraja ironija, toje, što nie ŭdałosia ŭ Daŭłatava», — napisaŭ režysior.
Nahadajem, za apošni čas Sučasny mastacki teatr, jaki vykazaŭsia suprać hvałtu ŭ krainie i zładziŭ niekalki zabastovak, pamianiaŭ try placoŭki. Apošniaj staŭ kulturny chab «Ok16», dzie śpiektakl SMT admianili za paŭhadziny da pačatku. Ciapier kamanda šukaje novuju placoŭku, kab praciahnuć pracu.
