Navukoŭcy adkryli dźvie novyja mutacyi karanavirusa
Adna ź ich maje padabienstva z «brytanskaj», druhaja robić virus bolš zaraznym.
Raniej niekalki ŚMI paviedamili sa spasyłkaj na dakład rabočaj hrupy Biełaha doma, jakaja zajmajecca prablemaj COVID-19, što ŭ Złučanych Štatach moh źjavicca novy, bolš zarazny štam karanavirusa, jaki pašyrajecca ŭ paŭtara raza aktyŭniej za pieršapačatkovy varyjant. Tym nie mienš u Centry pa kantroli i prafiłaktycy zachvorvańniaŭ (CDC) ZŠA abvierhli hetuju infarmacyju, piša ria.ru.
Jak havorycca ŭ zajavie Univiersiteta Ahajo, pieršaja mutacyja choć i padobnaja da «brytanskaj», ale, imavierna, źjaviłasia ŭžo ŭ ZŠA. Druhi štam nabyŭ try hienietyčnyja mutacyi, jakija raniej nie sustrakalisia razam u SARS-Cov-2.
Pieršy z štamaŭ vyjavili niadaŭna ŭ pacyjenta ŭ Ahajo, i navukoŭcy pakul nie mohuć skazać, nakolki šyrokaje raspaŭsiudžvańnie jon atrymaŭ. Druhi varyjant staŭ pieravažać u horadzie Kałumbus ŭ kancy śniežnia 2020 hoda — pačatku 2021-ha.
Pavodle navukoŭcaŭ, mutacyi, jakija isnujuć u druhim štamie, vierahodna, robiać virus bolš zaraznym, padvyšajučy takim čynam pieradaču zachvorvańnia ad čałavieka da čałavieka. Daśledčyki padkreślili, što ŭ ich pakul niama padstaŭ mierkavać, što heta paŭpłyvaje na efiektyŭnaść vakcyn.
U siaredzinie śniežnia stała viadoma, što ŭ Vialikabrytanii vyjavili novuju mutacyju karanavirusa SARS-CoV-2. Paźniej ułady Złučanaha Karaleŭstva paćvierdzili, što varyjant karanavirusa, vyjaŭleny ŭ krainie, pašyrajecca chutčej i patrabuje ad nasielnictva padvyšanaj aściarožnaści. Choć novy štam, pavodle papiarednich acenak, moža być na 70% bolš zaraznym za zvyčajny, ništo pakul nie kaža pra toje, što jon bolš niebiaśpiečny z punktu hledžańnia śmiarotnaści abo špitalizacyi.