SAAZ: Druhi hod pandemii moža być ciažejšym
Druhi hod pandemii karanavirusa moža być ciažejšym za pieršy, zajaviŭ dyrektar prahramy Suśvietnaj arhanizacyi achovy zdaroŭja (SAAZ) pa nadzvyčajnych situacyjach Majkł Rajan.
Jaho kamientary tranślavalisia ŭ Twitter arhanizacyi.
Live Q&A on #COVID19 with @DrMikeRyan, @mvankerkhove, @CarlosdelRio7 & @colleenkraftmd. #AskWHOhttps://t.co/k9oXYAGtDu
«My ŭstupajem u druhi hod [pandemii], jon moža być navat ciažejšym, uličvajučy dynamiku pieradačy virusa i niekatoryja prablemy, jakija my nazirajem», — cytuje Rajana RBK.
Jon padkreśliŭ, što ŭ Paŭnočnym paŭšarji, asabliva ŭ Jeŭropie i Paŭnočnaj Amierycy, śpiecyjalisty nazirali «idealny siezonny štorm — choład, ludzi, jakija zachodziać unutr [pamiaškańniaŭ], sacyjalnaje źmiešvańnie, jakoje ŭzmacniłasia». Hetyja i inšyja faktary vyklikali toje, što ŭ mnohich krainach pieradača karanavirusa ad čałavieka da čałavieka paskoryłasia, miarkuje dyrektar prahramy SAAZ.
Raniej u sieradu SAAZ paviedamiła, što tydniovaja zachvorvalnaść na COVID-19 pakazała rekordny pryrost z pačatku pandemii — plus 5 młn. U pieršuju čarhu pakazčyki vyraśli ŭ Paŭnočnaj i Paŭdniovaj Amierycy, paviedamlali ŭ arhanizacyi. Zafiksavanyja tam vypadki zaražeńnia składajuć 51% ad usich novych zachvorvańniaŭ i 45% śmierciaŭ ad ahulnaj kolkaści za tydzień.
Usiaho, pavodle źviestak SAAZ, u śviecie zarazilisia bolš za 90,33 młn čałaviek. Kolkaść śmierciaŭ nabliziłasia da 2 młn i skłała 1,95 młn.
Arhanizacyja taksama papiaredziła ab niebiaśpiecy źjaŭleńnia novych štamaŭ karanavirusa. Jak udakładniŭ kiraŭnik arhanizacyi Tedras Hiebrejesus, z pašyreńniem virusa pavyšajecca i ryzyka novych mutacyj.
