U rasijskim Jekaciarynburhu padčas pažaru zahinuli 8 čałaviek, u tym liku dzicia

Pryčyna śmierci ludziej padčas pažaru ŭ žyłym domie Jekaciarynburha — atručvańnie čadnym hazam. Ab hetym žurnalistam paviedamiŭ u aŭtorak kiraŭnik Jekaciarynburha Alaksiej Arłoŭ, piša TASS.

«Mocnaje zadymleńnie ŭ padjeździe [było], kali b ludzi vyjšli na bałkony, nie zastalisia b u kvaterach, to pažarnyja ŭsich by evakujavali», — skazaŭ jon.

Pa słovach Arłova, pažar adbyŭsia z-za nieaściarožnaha abychodžańnia z ahniom u kvatery, dzie žyła nieŭładkavanaja siamja.

Pažar adbyŭsia ŭnačy ŭ dzieviacipaviarchovym cahlanym domie na ŭskrainie Jekaciarynburha. Pavodle źviestak MNS, płošča pažaru skłała 30 kv. m, pa ŭsich pavierchach było ščylnaje zadymleńnie. Ratavalniki evakuiravali 90 čałaviek, vosiem, u tym liku dzicia, zahinuli.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0