Łatuška: Ci zaprasili pana Fazela na načnoje palavańnie na stužački i mirnych biełarusaŭ?
Kiraŭnik Narodnaha antykryzisnaha ŭpraŭleńnia (NAU) Pavieł Łatuška prakamientavaŭ vizit staršyni Mižnarodnaj chakiejnaj fiederacyi Rene Fazela ŭ Minsk.
Svoj post Łatuška prailustravaŭ sumiesnym fota Rene Fazela i Dźmitryja Baskava.
«Sutnaść vizitu Rene Fazela zastajecca haniebna vidavočnaj, jakimi b pryhožymi słovami pra «sport pa-za palitykaj» ni sprabavali prykryvać zakulisnuju ździełku, — adznačyŭ Łatuška. —
Adzinaje, što zastajecca nieviadomym: ci zaprasili spadara Fazela na papularnuju ŭ staršyni Fiederacyi chakieja Biełarusi zabaŭku — načnoje palavańnie na stužački i mirnych biełarusaŭ?
Prava sapsavać svaju reputacyju na zachodzie karjery zastajecca za spadarom Fazelem. Ale papiaredžvajem: kali hety vizit usio ž taki vyljecca ŭ niedačempijanat, to hulać pryjdziecca suprać vielmi šmatlikaj kamandy — kamandy hordaha biełaruskaha naroda. Niahledziačy na aryšty i represii, na jakija vy zapluščvajecie vočy, naša kamanda budzie samaj mocnaj, bo my na baku Dabra.
Rychtujciesia da parazy, panie Fazel», — napisaŭ Łatuška.
Čytajcie taksama:
Rene Fazel prylacieŭ u Minsk, dzie sustreŭsia z Łukašenkam
Łukašenka — Fazelu: Nijakaj niebiaśpieki dla praviadzieńnia ČS u Minsku niama — ni pa karanavirusie, ni palityčnaj
«450 vypadkaŭ katavańniaŭ»: piśmieńnik Saša Filipienka napisaŭ adkryŭ list Rene Fazelu
