Mocny pažar u žyłym domie ŭ rasijskim Jekaciarynburhu: zahinuli vosiem čałaviek
U vyniku mocnaha pažaru ŭ dzieviacipaviarchovym žyłym domie ŭ Jekaciarynburhu ŭ noč na aŭtorak zahinuli prynamsi vosiem čałaviek, u tym liku adno dzicia, paviedamlaje Bi-bi-si.
66.mchs.gov.ru
Uzharańnie adbyłosia a treciaj hadzinie nočy ŭ kvatery na druhim paviersie ŭ domie №7 pa vulicy Rasśvietnaj. Dym chutka raspaŭsiudziŭsia pa padjeździe, z-za čaho žychary akazalisia zabłakavanyja ŭ kvaterach.
Pažarnyja prybyli na miesca praź niekalki chvilin i prystupili da evakuacyi žycharoŭ. Jak paviedamili ŭ rehijanalnym upraŭleńni MNS Rasii, ratavalniki vynieśli na rukach z achoplenaj ahniom kvatery piać čałaviek, u tym liku adno dzicia, i pieradali ich miedykam.
66.mchs.gov.ru
Ahułam z padjezda byli evakujavanyja 90 čałaviek (52 žycharam spatrebilisia śpiecyjalnyja dychalnyja aparaty), ich raźmiaścili spačatku ŭ pažarnych mašynach, a zatym u najbližejšaj himnazii, dzie ź imi pačali pracavać psichołahi.
Zahinułyja byli vyjaŭlenyja ŭ kvaterach na druhim, piatym i dziaviatym pavierchach. Miascovyja ŚMI paviedamlali, što žycharka kvatery na dzieviatym paviersie prasiła ab dapamozie ŭ sacsietkach - jana pisała ŭ «tvitary», što znachodzicca pad zamkom ź dziciem i zadychajecca, prasiła vyklikać pažarnych i vykłała sełfi.
Paźniej ułady paviedamili, što vyratavać žančynu nie ŭdałosia, jana zahinuła razam ź siamihadovaj dačkoj, atruciŭšysia čadam.
Papiaredniaja pryčyna pažaru — nieaściarožnaje abychodžańnie z ahniom.
Pa jaje słovach, ačah uzharańnia znachodziŭsia pobač z kanapaj. Jak miarkujecca, u kvatery vykarystoŭvalisia harełki, taksama tam było vyjaŭlena šmat niedakurkaŭ.
