Cichanoŭskaja sustrełasia z kiraŭnikom MZS Litvy. Abmiarkoŭvali jeŭrapiejskuju vakcynu dla biełarusaŭ i nazvu krainy na litoŭskaj
Śviatłana Cichanoŭskaja ŭpieršyniu sustrełasia z novym ministram zamiežnych spraŭ Litvy Habryelusam Łandśbierhisam i vice-ministram Mantasam Adamienasam.
Litoŭski bok ahučyŭ niekalki važnych napramkaŭ u dalejšaj padtrymcy Biełarusi. Adzin ź ich — pieradača dla Biełarusi jeŭrapiejskaj vakcyny suprać Covid pad kantrolem ofisa Śviatłany Cichanoŭskaj, praz pradstaŭnika pa miedycynie, jaki źjavicca ŭ chutkim časie. Ciapier abmiarkoŭvajucca mahčymaści realizacyi takoj dapamohi, naprykład, atrymańnie tak zvanaj vakcyjnaj vizy ŭ Litvie.
Ministr paćvierdziŭ namier Litvy aktyŭna prasoŭvać sankcyi suprać režymu na nacyjanalnym i mižnarodnym uzroŭni. Litva budzie ŭvodzić zabaronu na ŭjezd i vydaču viz dla tych, chto ŭdzielničaŭ u falsifikacyjach i ažyćciaŭlaŭ inšyja złačynstvy suprać biełarusaŭ.
Litva ličyć važnym pierajmienavańnie našaj krainy na litoŭskaj movie z Bałtarusii (Biełaj Rusi) u Biełaruś.
