Stała viadoma, chto kupiŭ Słonimskuju sinahohu amal za 30 tysiač rubloŭ
Słonimskuju sinahohu 1642 hoda kupiła piśmieńnica ź Minska Iłona Karavajeva, jakaja maje litaraturny psieŭdanim Iaana Ryŭz, piša «Radyjo Racyja».
starstories.org
Iłona Karavajeva — artystka, muzykant i piśmieńnica, siabra Sajuza muzyčnych dziejačaŭ Biełarusi. U apošni čas žančyna piša kazki. Kazki Iaany Ryŭz na anhlijskaj movie The tales of the lost forest prynieśli joj zvańnie łaŭreata ŭ naminacyii ChildrenLiterature mižnarodnaha konkursu ECG (Łondan) u 2018 hodzie.
Słonimskuju sinahohu pieršy raz vystavili na aŭkcyjon u mai. Tady budynak acanili ŭ 137 tysiač rubloŭ. Achvotnych jaje nabyć nie znajšłosia.
Tady ž Łondanski fond habrejskaj spadčyny vystupiŭ z prapanovaj vykupić pomnik architektury, adnak, kab usio atrymałasia, patrebnyja hrošy i čas. Raniej pradstaŭniki dadzienaj arhanizacyi ŭnieśli sinahohu ŭ Słonimie ŭ śpis samych značnych abjektaŭ habrejskaj suśvietnaj spadčyny, jakim patrebna dapamoha.
Fota Kaciaryny Hardziejevaj, Tut.by
Sinahohu vystaŭlali na aŭkcyjon jašče niekalki razoŭ, ale tady pakupnikoŭ nie znachodziłasia. Pradstaŭniki Fondu taksama vyrašyli, što buduć čakać, kali źniziać canu ŭ dva razy. Mierkavałasia, što heta budzie zroblena da druhoha aŭkcyjonu, adnak košt byŭ źnižany ŭsiaho na 10%. Pradstaŭniki Fondu takomu stanovišču rečaŭ byli ździŭleny.
U vyniku sinahohu pradali ŭ kancy śniežnia 2020 hoda za 27 tysiač rubloŭ.
