U Zelvienskim rajonie ratavalniki pryjšli na dapamohu katu, jaki trapiŭ u hłyboki kałodziež

Zdareńnie adbyłosia ŭ v. Višnieŭka. U słužbu 101 źviarnułasia nieabyjakavaja žančyna, jakaja paviedamiła, što ŭ kałodziežy ŭ susiednim dvary siadzić kot i nie moža vybracca, paviedamlaje 112.by.

«Niahledziačy na toje, što vyratavańnie žyvioł nie ŭvachodzić u pramyja abaviazki rabotnikaŭ MNS, ratavalniki pajechali pa adrasie. Bajec na vyratavalnaj viaroŭcy spuściŭsia na dno pustoha dvaccacimietrovaha kałodzieža, pasadziŭ kata ŭ miech i padniaŭsia navierch», — raspaviali ŭ MNS.

Vierahodniej za ŭsio, žyvioła prasiedzieła ŭnizie niekalki sutak. Paśla praviadzieńnia vyratavalnaj apieracyi kot uciok.

0

0

0

0

0

0