Z 1 studzienia płanujecca admianić darožny zbor, zamiest jaho budzie źbiracca transpartny padatak
Z 1 studzienia 2021 hoda dziaržpošlina budzie admieniena. Zamiest dziaržpošliny praduhledžvajecca ŭstanaŭleńnie transpartnaha padatku.
U Biełarusi z 1 studzienia prapanujecca admianić dziaržpošlinu za vydaču dazvołu na dopusk da ŭdziełu ŭ darožnym ruchu, zamiest jaje budzie transpartny padatak, pamier jakoha budzie nižejšy. Heta praduhledžana prajektam Padatkovaha kodeksa na 2021 hod, piša BiełTA.
Staŭki padatku ŭ paraŭnańni ź dziejučymi staŭkami dziaržpošliny mohuć źnizicca ŭ siarednim na 25% dla fizičnych asob i 15% dla arhanizacyj.
Padatak budzie spahaniacca za hod zychodziačy ź fizičnych paramietraŭ i faktyčnaha času vałodańnia transpartnym srodkam.
Hadavaja suma padatku pa tak zvanych narodnych aŭtamabilach (masa 1-1,5 t) u siarednim składzie kala 60-80 rubloŭ štohod.
