Chvareje 3% nasielnictva. Dokšycy, jak i viasnoj, — čyrvonaja zona kavidu
Pa aficyjnych źviestkach, na hety momant na karanavirus chvareje 3% žycharoŭ Dokšyckaha rajona.
Fota Nadziei Bužan
Statystyka kavidu pa asobnych rajonach i abłaściach nie publikujecca. Adnak miascovyja ŚMI i orhany ŭłady ŭ niekatorych rajonach dajuć źviestki.
Tak, na minułym tydni harvykankam Mahilova apublikavaŭ ličby śmiarotnaści za 11 miesiacaŭ 2020 hoda, ź jakich vynikaje, što śmiarotnaść u horadzie vyrasła proci minułaha hoda bolš jak na 20%.
A rajonnaja hazieta Dokšycaŭ «Rodnyja vytoki» paviedamiła, što pa stanie na 11 śniežnia ŭ rajonie ŭžo 648 chvorych na kavid. 58 lažać u stacyjanary, jašče 590 chvarejuć doma. Pamierła za čas pandemii 12 čałaviek.
Pakolki ŭ Dokšyckim rajonie žyvie 22 200 čałaviek, heta značyć, što chvareje 3% žycharoŭ, abo kožny 34-y.
