U Homieli dziaŭčynie, jakaja ŭ noč paśla vybaraŭ nie prapuskała mašynu člena kamisii, dali realny termin
Uviečary 9 žniŭnia kala centra kultury ŭ ahraharadku Uryckaje Homielskaha rajona, dzie znachodziŭsia vybarčy ŭčastak, sabralisia ludzi, paviedamlaje SK.
Kala dźviuch hadzin nočy siabry vybarčaj kamisii vyrašyli pajechać dadomu, ludzi nie prapuskali ich mašyny. Čamu tak adbyłosia, SK nie ŭdakładniaje. Padobnyja situacyi adbyvalisia i ŭ inšych nasielenych punktach Biełarusi, dzie kamisii ŭ parušeńnie zakona nie paviedamlali vyniki vybaraŭ.
Ludzi chadzili napierad-nazad na piešachodnym pierachodzie, nie dajučy prajechać «Šeŭrale», ale farmalna nie parušajučy zakanadaŭstva.
Tady adzin z členaŭ kamisii na «Falksvahienie» pasprabavaŭ praskočyć piešachodny pierachod pa sustrečnaj pałasie — hrubaje parušeńnie praviłaŭ darožnaha ruchu.
U hety momant 25-hadovaja ŭradženka Mazyrskaha rajona apynułasia na kapocie «Falksvahiena» i stała hrukać pa im rukami. Videa incydentu ŭ internecie nie publikavałasia.
Śledčyja paličyli incydent chulihanstvam z boku dziaŭčyny. Sud Homielskaha rajona pryznaŭ jaje vinavataj i pryznačyŭ pakarańnie ŭ vyhladzie pazbaŭleńnia voli na adzin hod.
