Tramp dapuściŭ udzieł u vybarach prezidenta ZŠA ŭ 2024 hodzie
Dziejny prezident ZŠA Donald Tramp dapuskaje mahčymaść bałatavacca na pasadu kiraŭnika dziaržavy ŭ 2024 hodzie. Pra heta jon zajaviŭ padčas vystupu pierad členami nacyjanalnaha kamiteta Respublikanskaj partyi, paviedamlaje vydańnie Politico.
«Heta byli vydatnyja čatyry hady. My sprabujem atrymać jašče čatyry hady. Kali nie, ubačymsia z vami praz čatyry hady», — skazaŭ Tramp.
Raniej ŚMI ŭžo paviedamlali, što Tramp moža abviaścić ab płanach udzielničać u vybarach 2024 hoda. Vydańnie The Daily Beast pieradavała, što prezident moža pravieści źviazanaje z budučaj kampanijaj mierapryjemstva ŭ dzień inaŭhuracyi novaha prezidenta 20 studzienia. Pa infarmacyi The Washington Post, Tramp moža abviaścić ab namiery ŭdzielničać u nastupnaj prezidenckaj honcy da kanca hetaha hoda. Pra heta prezident raspavioŭ svaim davieranym asobam, paviedamlała hazieta.
Prezidenckija vybary ŭ ZŠA adbylisia 3 listapada. Aficyjna ich vyniki jašče nie abvieščanyja, adnak, pa padlikach viadučych amierykanskich ŚMI, pieramohu atrymaŭ supiernik Trampa, kandydat ad Demakratyčnaj partyi Džo Bajden.
Tramp admaŭlajecca pryznavać parazu i sprabuje praz sud asprečvać vyniki vybaraŭ.
