Jeŭrapiejskija dypłamaty dapamohuć balnicam u Červieni i Bierazinie maskami i reśpiratarami
Dypłamaty pasolstvaŭ Vienhryi, Polščy, Słavakii i Čechii pieradaduć humanitarny hruz — srodki indyvidualnaj achovy ad karanavirusnaj infiekcyi —finansavany mižnarodnym Vyšahradskim fondam, pradstaŭnikam Dabračynnaha katalickaha tavarystva Karytas dla nieadkładnaj pieradačy ŭ balnicy ŭ rajonach Červień i Bierazino.
U krasaviku 2020 hoda ministry zamiežnych spraŭ Vienhryi, Polščy, Słavakii i Čechii ŭzhadnili finansavuju padtrymku z zapasaŭ Mižnarodnaha Vyšahradskaha fondu dla krain Uschodniaha partniorstva ES u baraćbie z COVID-19. Była stvorana prahrama V4 East Solidarity i ŭ jakaści partniora ŭ Biełarusi była abranaja relihijnaja misija «Dabračynnaje katalickaje tavarystva Karytas».
Z dapamohaj śpiecyjalistaŭ tavarystva Karytas byŭ składzieny śpis samych nieabchodnych srodkaŭ indyvidualnaj achovy. Takim čynam, byli raspaŭsiudžany tysiačy adnarazovych miedycynskich masak, reśpirataraŭ druhoha i treciaha kłasa, adnarazovych i šmatrazovych kambiniezonaŭ, chałataŭ, šapak, bachiłaŭ, a taksama recyrkulatary pavietra, bakteryjalnyja apramianialniki, termomietry, pulsaksimietry i sotni litraŭ srodku dla dezinfiekcyi ruk i pavierchniaŭ.
U ramkach prajekta realizujecca taksama dapamoha dla pryvatnych asob, jakim pradastaŭlajecca nabor bytavoj chimii i srodkaŭ indyvidualnaj achovy.
