Ad siońnia na 6% padrastuć piensii
Fota Voli Aficeravaj
Pieraraźlik piensij budzie praviedzieny bolš jak 2,4 młn piensijanieraŭ. Asnoŭnyja pamiery pracoŭnych piensij pavyšajucca na 6%, piša BiełTA.
Da asnoŭnaj piensii vypłačvajucca dapłaty, nadbaŭki, pavyšeńni. U ich liku dapłata niepracujučym hramadzianam, ludziam va ŭzroście 75-79 hadoŭ (48,4 rubloŭ), 80 hadoŭ i starejšym (64,53 rubloŭ).
Akramia taho, praduhledžana nadbaŭka na dohlad invalidaŭ I hrupy (64,53 rub) i asob, starejšym za 80 hadoŭ (32,27), a taksama pavyšeńnie invalidam i ŭdzielnikam vajny, hanarovym donaram i niekatorym inšym katehoryjam hramadzian (ad 25,81 da 322,65 rubla).
Pieraraźlik hetych vypłat ažyćciaŭlajecca aŭtamatyčna pry roście biudžetu pražytačnaha minimumu ŭ siarednim na dušu nasielnictva, jak praviła, kožny kvartał (z 1 lutaha, 1 maja, 1 žniŭnia i 1 listapada).