Kaardynacyjnaja rada: Infarmacyi pra vyzvaleńnie Babaryki niama
Kaardynacyjnaja rada nie vałodaje infarmacyjaj ab mahčymym vyzvaleńni Viktara Babaryki ź SIZA Kamiteta dziaržbiaśpieki. Pra heta paviedamiŭ u niadzielu pradstaŭnik KR Ivan Kraŭcoŭ u telehram-kanale pres-słužby rady.
«U nas takoj infarmacyi niama», — adznačyŭ pradstaŭnik KR. Taksama dačka Viktara Babaryka Maryja zajaviła Tut.by, što pa spravie jaje baćki, «na žal, niama nijakich navin».
Raniej Pavieł Łatuška zajaviŭ ab źjaŭleńni infarmacyi ab tym, što «Viktar Dźmitryjevič [Babaryka] ŭžo znachodzicca na svabodzie». «Jana nie paćvierdziłasia pa roznych kanałach, choć chto jaho viedaje. Mahčyma, u najbližejšy čas jana paćvierdzicca, bo ciapier Łukašenka nibyta adstojvaje pazicyju, pa našych insajdach, pra toje, kab Viktar Dźmitryjevič źjechaŭ na Kipr razam sa svaim synam. I heta budzie ŭmovaj vyzvaleńnia», — skazaŭ Łatuška.
