Z kartak mieniedžara ŭžo apłačany štraf źniali čatyry razy
Z kartak prajektnaha mieniedžara Valancina 4 razy źniali hrošy ŭ košt vypłaty štrafu pavodle artykuła 23.34 KaAP. Charakterna, što sam štraf jon spłaciŭ jašče 2 tydni tamu, ab čym małady čałaviek raspavioŭ u siabie ŭ fejsbuku.
Jak rastłumačyŭ dla dev.by Valancin, jon apłaciŭ pryznačany jamu štraf 270 rubloŭ na praciahu 40 dzion z dnia pasiadžeńnia suda — 13 listapada. Ček zachavaŭ. Ale nikudy jaho nie pradjaŭlaŭ. I akazałasia, daremna — kali niama płaciežki, sudovaja kancylaryja ličyć, što štraf nie apłačany, i pa zakančeńni 40 dzion adpraŭlaje spravu ŭ adździeł prymusovaha vykanańnia pakarańnia (APV).
Ale pra heta Valancin daviedaŭsia ŭžo paśla taho, jak 24 listapada jamu pryjšła SMS ab śpisańni ź jaho valutnaj karty Bielinviestbanka 116,25 dalaraŭ — abo 297 rubloŭ.
— Ja patelefanavaŭ u Smalavicki sud, tam mianie adpravili ŭ APV. Patelefanavaŭ u adździeł svajho rajona — paabiacali viarnuć hrošy «pa pradjaŭleńni čeka». Ja skinuŭ źviestki dla viartańnia, i vyrašyŭ, što na hetym usio.
Ale ŭviečary vypadkova vyśvietliłasia, što była jašče adna SMS ab śpisańni 53.94 rubloŭ z druhoj karty Bielinviestbanka — źniali ŭsiu reštu da nula.
Paźniej ja pravieryŭ svaju kartu MTBanka: tam zabłakavali sumu 297 rubloŭ — i stała minus 222, a sama karta pry hetym taksama była zabłakavanaja.
Dziela cikavaści pravieryŭ jašče i kartu «Chałva», jakoj daŭno nie karystajusia — i tam taksama minus 297 rubloŭ.
