Ambasada ZŠA vystupiła z zajavaj u padtrymku svabody słova ŭ Biełarusi
«Złučanyja Štaty asudžajuć dziejańni ŭrada Biełarusi ŭ dačynieńni da miascovych i zamiežnych žurnalistaŭ. Pradstaŭniki ŚMI nie pavinny padviarhacca pahrozam, fizičnamu hvałtu, aryštam abo turemnamu źniavoleńniu z boku kaho-niebudź prosta z pryčyny vykanańnia svajoj pracy ŭ jakaści žurnalistaŭ. Mocnyja niezaležnyja ŚMI, svabodny abmien infarmacyjaj i dostup da jaje nieabchodnyja dla taho, kab viaršenstva zakona mahło ŭkaranicca ŭ lubym hramadstvie», — havorycca ŭ zajavie.
«Złučanyja Štaty vielmi zaniepakojenyja niebiaśpiečnym stanoviščam biełaruskich niezaležnych ŚMI, advolnymi aryštami žurnalistaŭ za apošnija niekalki miesiacaŭ i zaviadzieńniem uradam Biełarusi kryminalnych spraŭ suprać žurnalistaŭ. My pa-raniejšamu zaniepakojenyja pahrozaj anulavańnia aficyjnaha statusu miascovych ŚMI, a taksama spynieńniem dziejańnia akredytacyj i praciahłaj zatrymkaj paŭtornaj akredytacyi žurnalistaŭ, jakija pracujuć na zamiežnyja ŚMI.
My nastojliva zaklikajem urad Biełarusi abaraniać i padtrymlivać asnoŭnyja svabody na ŭsioj terytoryi krainy, asabliva svabodu schodaŭ, słova i presy. Biełaruski narod zasłuhoŭvaje abarony svaich pravoŭ i taho, kab jaho hołas byŭ pačuty, a niezaležnyja ŚMI — niezamiennaja płatforma dla hałasoŭ usich biełarusaŭ. Narmalizacyja adnosinaŭ z režymam, jaki žorstka zadušvaje ŭłasny narod, niemahčymaja».
U Biełarusi 143 palityčnyja viaźni, siarod ich try žurnalistki — Kaciaryna Andrejeva, Kaciaryna Barysievič, Darja Čulcova.
