Zatrymali byłoha śledčaha Jaŭhiena Juškieviča
Ciapier Jaŭhien Juškievič na Akreścina. Jaho zatrymali ŭčora kala 22:00 hadzin.
Jaŭhien Juškievič rodam z Mahilova. U 2012 hodzie skončyŭ jurfak BDU, dva hady pracavaŭ pazaštatnym supracoŭnikam u śledstvie minskaj prakuratury, potym jašče piać — śledčym, ale potym syšoŭ z pasady staršaha śledčaha adździeła pa rasśledavańni ekanamičnych złačynstvaŭ upraŭleńnia SK pa Minsku.
Potym Jaŭhien syšoŭ u android-raspracoŭščyki, a letam 2020 hoda staŭ inicyjataram prajekta bychange.me, jaki «dapamahaje ŭ navučańni, pierapadrychtoŭcy siłavikoŭ, dziaržsłužačych i prosta ludziej, jakija byli zvolnienyja abo jakija pajšli z pracy pa mierkavańniach sumleńnia», piša Tut.by.
Jaŭhien taksama aktyŭna vioŭ tvitar, dzie vykazvaŭsia ab situacyi ŭ Biełarusi i ab pracy siłavych struktur. Ciapier jaho akaŭnt niedastupny.
Čytajcie. Były top-śledčy pra realii raboty SK: jak pracuje, što balić i jak źmianić da lepšaha
