Piensijanierka parazmaŭlała z «supracoŭnikam» banka i straciła hrošy na kartcy, a potym jašče raz

Amal kłasičny vypadak zdaryŭsia ŭ Babrujsku. 18 listapada 63-hadovaj žančynie ź nieznajomaha numara z zamiežnym kodam patelefanavaŭ mužčyna i pradstaviŭsia supracoŭnikam banka.

Jon paviedamiŭ, što ź jaje bankaŭskaha rachunku sprabavali vykraści hrošy, adnak bank praduchiliŭ kradziež i pieravioŭ jaje hrošy na strachavy rachunak, paviedamlaje SK.

Dla zaviaršeńnia ŭsich nieabchodnych apieracyj mužčyna ŭhavaryŭ žančynu dać rekvizity jaje bankaŭskaj karty, a taksama nazvać kod, jaki pryjšoŭ joj na mabilny telefon.

Mała taho, mužčynu ŭdałosia daznacca rekvizity jaje druhoj valutnaj karty, na rachunku jakoj zachoŭvalisia hrošy ad prodažu kvatery.

U vyniku ź dźviuch kartak źnikła 7200 jeŭra.

0

0

0

0

0

0