Jaki taki Banderas?
Urazili pravavyja sankcyi za niekarektnuju traktoŭku historyi druhoj suśvietnaj vajny, jakija ŭvodziacca ŭ Rasii.
Pry kancy krasavika hrupa deputataŭ rasijskaj Dumy patrabavała ŭvieści kryminalnuju adkaznaść za prasłaŭleńnie dziejnaści antysavieckich i pranacysckich arhanizacyjaŭ, jakija dziejničali na terytoryi byłoha SSSR u časy druhoj suśvietnaj. Pad zakon papadajuć navat zamiežnyja ŭrady. Z tymi, chto prasłaŭlaje, buduć na fih razryvać dypłamatyčnyja znosiny.
Ciažka skazać, jak urad Pucina budzie realizoŭvać svaje inicyjatyvy. Bo pieršy, kamu śviecić termin za parušeńnie hetaj normy — prezident Rasii Dźmitry Miadźviedzieŭ. Nie tak daŭno jon pakłaŭ kvietki na mahiłu finskaha maršała Hustava Manierhiejma. Taho samaha, što trymaŭ suprać Čyrvonaj armii dva franty. I, samaje kryŭdnaje, — paśpiachova.
Ale to Miadźviedzieŭ. A vam, kali vy navat prosta fanat kinaaktora Antonio Banderasa, u Rasii raju nie vykazvać na publicy zachapleńnia talentam svajho kumira. Raptam im tam padasca, što Banderas — heta pravadyr Ukrainskaj Paŭstanckaj Armii Ściapan Bandera, dy jašče z bałtyjskim kančatkam? Płakaŭ tady naš tavarazvarot.
A ŭ pryncypie było b fajna, kab rasijskija palityki i dalej praciahvali radavać padobnymi pravavymi aktami. Naprykład, uviali adkaznaść za admaŭleńnie viadučaj roli uradu Pucina ŭ pieramozie nad suśvietnym finansavym kryzisam. I premii — za paćvierdžańnie hetaj roli. My b, uvohule, azałacilisia.
